شەهریار

شەهریار بچووكترین ئەندامی خێزانە و دوو برای لە خۆی گەورەتری هەیە. کاتێک تەمەنی تەنها دوانزدە ساڵان بوو، ڕۆژێک کە لە قوتابخانە دەگەڕێتەوە و دەرگای ماڵەوە دەکاتەوە، دەبینێت دایکی نەوتی بەسەر خۆیدا کردووە و هەر لەو کاتەدا ئاگری لە جەستەی خۆی بەرداوە. شەهریار بە پەشۆکاوی بەرەو دایکی ڕا دەکات بۆ ئەوەی بیکوژێنێتەوە و لە باوەشی دەگرێت. بەو هۆیەوە شەهریاریش دەسووتێت. بە یارمەتی دراوسێکان هەردووکیان دەکوژێندرێنەوە و دەگەیێندرێنە نەخۆشخانە. دایکی ڕۆژێک دواتر گیان لەدەست دەدات، بەڵام شەهریار تا ماوەیەک لە نەخۆشخانە دەمێنێتەوە و نازانێت دایکی مردووە. کاتێک شەهریار لە نەخۆشخانە دەردەچێت تێدەگات دایکی مردووە و دەچێتە سەر گۆڕەکەی. شەهریار پێی خۆش نییە ئەو ڕۆژە بە یاد بێنێتەوە و زۆربەی کات بێدەنگ دەبێت. ئێستا لەگەڵ دوو براکەی و باوکی پێکەوە دەژین. لە قوتابخانەش هەموو کەس ئاگاداری ئەم ڕووداوەن. شەهریار لە قوتابخانە هیچ هاوڕێیەکی نییە و هەمیشە بە تەنهایە.
ئابدانان، ئیلام، ئێران